MIRROR演唱會｜傳演唱會「姜神合體」 粉絲發起罷睇抗議 誓向主辦方施壓？網民直斥AL菠蘿雞

人氣男團MIRROR共16場演唱會尚有5日正式開鑼，不過近日鬧出「罷睇」風波！有傳姜濤與盧瀚霆（Anson Lo）將會於演唱會上合體演出並互唱對方的歌曲，因此而焫㷫兩派粉絲，更激進得以「棄騷」來向主辦方MakerVille施壓。除了「棄騷」外，兩派粉絲亦掀起罵戰，更以「菠蘿雞」來稱呼Anson Lo ，更說安排二人合作不會有火花，只會讓兩派粉絲直接開罵，希望主辦方能取消這環節。

發起「罷睇」行動  向主辦方施壓

MIRROR演唱會倒數最後5天便開鑼，各成員近日忙著「踩台」，粉絲則忙於準備應援物，為偶像撐場。兩大人氣王姜濤及Anson Lo屢傳不和，自從去年「西九音樂節」後兩派粉絲步向敵對的關係。近日網絡瘋傳久未單對單合作演出的他們，將在演唱會破格合體，互唱對方歌曲環節。然而消息尚未經證實，但已引起兩大陣營「姜糖」及「神徒」不滿，在網上更發起「反姜神合作大行動」以示不滿，直指這個安排「只有互鬧，沒有火花」，揚言若不取消此環節，將狠心發動「罷睇」行動，誓要向演唱會主辦方MakerVille施壓以正視聽。

不少神徒指「姜神合體」，有感被羞辱。「我希望撈（Anson Lo）和這位隊員能保持安全距離，如果希望我們和平，就請不要再製造爭端，把他們推到風口浪尖上。」有人質疑主辦方是否藉演唱會之名來消費「姜神」二人，希望從中得到莫大的好處？

Anson Lo被指「菠蘿雞」？

有網民直斥Anson Lo是「菠蘿雞」，原因是姜濤已連續4次獲得「叱咤我最喜愛的歌曲」獎項，人氣遠勝Anson Lo因而不想被叼光：「真心唔建議公司今次安排最鍾意靠黐嘅『菠蘿雞』（Anson Lo）同佢（姜濤）合作，搶走我哋個仔啲Focus。」不過，有網民不認同「菠蘿雞」說法：「咁公道講句AL都真係有料過姜濤喎」，也有人表示「最菠蘿都係下弦個（嗰）幾個啦」，令討論熱度飊升。

網民替姜濤不值！

至於「姜糖」揚言若主辦方MakerVille不聽訴求，唯有罷睇：「其實合體有邊個想呀！都知有Noise，不過只會令兩家粉愈嚟愈大火藥味。」有粉絲戥姜濤騎虎難下及被搶風頭而憤怒：「姜admin（姜濤群組中的名稱）冇辦法先至應承呢個合作。」有人大讚姜濤並留言：「薑薑（姜濤）跳舞咁勁有性格，又帶點中二病，跳舞又有啲抖氣聲伴住咁性感，有一個隊友可以同佢比，薑薑世一。」

另外也繫連到呂爵安（Edan）身上，「唔係黐兒登就係黐肥姜」；有人更建議姜濤要「甩鏡」單飛發展，替偶像不值！此外，有網民笑言：「台上表演台下mma」，指兩派罵戰比演唱會更好睇。如今兩派粉絲以「罷睇」表達不滿，看來這次合體演出未盡如人意，到底最終會如何？好快便會揭盅。

粉絲不和  仍無損「姜神」友情

近年，兩位人氣王姜濤和盧瀚霆經常被外界相提並論，各自的粉絲愛偶像心切，不時傳出網絡罵戰之說。相信自2年多前Anson Lo因為劇集《大叔的愛》而爆紅後，人氣直迫姜濤，因此令兩班粉絲都會私下互相較量。於去年的音樂節，更有指姜糖在Anson Lo表演時「拉大隊」走人，令一班神徒極為憤怒。雖然兩班粉絲各走極端，但無損姜濤與Anson Lo二人的友情，在熱播中的團綜《MIRROR TIME》中，二人不時並肩而坐、有講有笑，看來未被不和傳聞所影響。